KRALENDIJK- Djárason atardi Fundashon Cas Boneriano(FCB), a presentá e proyekto di konstrukshon di kas na Bario Hato. Ta trata di 254 kas pa hür i bende. 

E área ta na Bario Hato, grèns ku Kaya Pawnee. Ainda FCB tin lista largu di hende ku ta warda un kas. Ku konstrukshon di e kasnan menshoná, ta kas nan bon i pagabel pa esnan ku ta sperando. E kasnan ta bai yuda hopi. Ya e promé fundeshinan ta trahá, pues rápidamente ta kontinuá pa yega na final di e konstrukshon. 

“No ta ami, pero ta e trahadónan a hasi e trabou pa awe nos ta aki. Nan ta traha den siman i tambe tin biaha den wikènt pa por a logra. Danki di kurashon pa nan! Danki na tur ku a kere den FCB. Tambe danki na bankonan. Na 2025, lo tin 254 kas kla na Playa i 14 ta Rincon pa kuminsá. Ta bini mas na Rincon”. 

Den e área di Nikiboko tambe ta bai konstruí 172 kas. Denter di poko, trabounan pa e proyekto aki tambe ta kuminsá. 

Oleana a splika tambe ku na Hulanda a mira sierto téknikanan pa traha kas, ku ta hasi posibel pa konstruí di forma mas rápido. “FCB tambe kla pa futuro di Boneiru. Nos ta bai traha hopi kas den tempu rápido”. Segun Oleana esakinan lo ta bon kas, pero pagabe. 

Tambe direktor di FCB  splika ku den Bario Nikiboko e kasnan lo bin ku instalashon di pènel di solo i bateria. E Bario na Hato, e kamindanan ta bira kompletamente di Klenku. 

Kontratista

Na tur dies kontratista a haña trabou den e proyektonan menshoná. Komo palabra di koutela Oleana a rekòrdá e hürdóna i kliente di FCB, pa kòrda paga na forma nèchi, unabes ku logra haña un kas di FCB. “Pasobra, si no kumpli, mester tuma medida”, asina Oleana a bisa.