ORANJESTAD – E futbolistanan di Boneiru U15 ta hunga awe nan promé wega durante e Concacaf Championship na Aruba. E hungadónan ta hasi nan debut na un torneo internashonal. Den e promé wega nan ta hunga kontra e islanan Turko i Caicos. 

Djadumingu e delegashon a sali Boneiru pa hunga djaluna nan promé wega. E wega ta kuminsá awe mèrdia 1’or. Djamars e siguiente partido ta riba programa. E selekshon ta enfrentá e ora ei Dominica. Djarason nan ta hunga kontra Anguilla i djabièrnè kontra Saint Lucia. Nan ta hunga tur Partido den stadion Estadio Guillermo Prospero Trinidad di Aruba.  

Boneiru ta den pul C, kaminda djesun pais ta partisipá. Number 1 i 2 ta hunga e final riba 11 di ougùstùs. E mihónan ku a yega number 3 i 4 ta hunga riba e dia ei e final di konsuelo.