DEN HAAG – Ainda no ta bini un korte konstitushonal den forma separá pa Boneiru, Sint Eustatius i Saba. Sylvana Simons a boga den un moshon pa sondea esei. E gabinete tin  preferensia pa un kòntròl diversifiká di e derecho di libertat klásiko.

Simons di Partido BIJ1 ke embolbí e islanan spesífiko den e diskushon tokante evaluashon na Konstitushon, pasobra e islanan aki komo entidat públiko ta dependiente  di maneho Hulandes, ku ta supervisá seguridat sosial, manere entre otro garantisá un mínimo sosial, akohida pa mucha i bibienda.

E islanan aki ademas tambe ta haña nan konfrontá ku un krísis di bibienda, krísis di pobresa i krísis di klima, di manera ku tin menasa serio pa e seguridat sosial di e habitantenan riba e islanan

Evaluashon diversifiká

E gabinete Hulandes ta duna preferensia na un modelo kaminda evaluashon diversifiká ta posibel, loke ta nifika: evaluashon di leinan ku a drenta na vigor, pa mas spesífiko definishonnan di Konstitushon, derechonan di libertat. Ei e wes den un huisio konfirmá por keda sin apliká e lei òf e disposishon legal pa motibu di violashon di Konstitushon. Tal adaptashon lo nifiká e mésun ampliashon di e posibilidat pa evaluá pa Hulanda Karibense i Hulanda Europeo.

En korto e gabinete ta sugerí pa hasi posibel ku na Karibe Hulandes tambe wes por evaluá konstitushonalmente leinan i normanan legal di derechonan di libertat klásiko den Konstitushon den forma di evaluashon diversifiká.