Kralendijk- Gezaghèber Edison Rijna ta bisa ku e ta sinti un bèrgwensa pa e falta di progreso ku ehekushon di e akuerto administrativo (Bestuursakkoord).

Esaki Rijna a bisa den un entrevista ku RTV7. ‘Mi mes tambe ta malkontentu. Mi ta sinti un bèrgwensa’, asina Rijna a bisa den un entrevista ku e periodista René Zwart.

Di otro banda, Rijna ta kulpa sierto ‘medionan sosial’ ku e ta deskribí komo ‘zür’. Rijna a desmentí e imagen ku hopi kos no ta kanando bon na Boneiru. ‘Mayoria kos ta kanando bon de echo. Pero mester komprondé tambe ku kosnan ku a kana robes pa hopi tempu, bo no ta drecha den un fregá di wowo’, asina Rijna a bisa.