ORANJESTAD – Na Aruba, Gisele Sint Jago, un studiante den maestria di lei, a interumpí un lektura kaminda prinsesa Amalia, rei Willem-Alexander i reina Máxima tabata presente. El a pidi atenshon pa e pasado di sklabitut.

Sint Jago, ku ta aktivo tambe na Aruba pa e Partido Pueblo Promé, tabata tene un bandera den laira mientras e ta kanta e kansion di gòspel Oh freedom ku ta trata sklabitut. Djis despues di su akshon a sak’é for di sala i a sigui ku e lektura.

Derechonan di siudadanonan

E konosido gòspel Merikano, Oh Freedom, a nase djis despues di abolishon di sklabitut na Merka, un kanshion di libertat Afro-Merikano di despues di e guera sivil. Ta asosiá e kansion hopi biaha ku e movementu di derechonan di siudadanonan Merikano.

Gisela Sint Jago ta un studiante den maestria na Universidat di Aruba. Un señora di 54 aña ku a nase na Kòrsou di un tata Boneriano i un mama di Sint Maarten. Ku su ocho aña su famia a bai Hulanda kaminda el a biba 29 aña.

Despues el a drenta enseñansa na Aruba komo dosente di kímika i físika, pero ta djes aña kaba aktivo komo polítiko pa diferente partido i p’esei e no por duna lès mas.

Lektura spesial

Meimei di luna di dezèmber e ta haña un karta di su fakultat na universidat di Aruba ku fin di luna di yanüari lo tin un lektura spesial i ku bo por inskirbí. No a bisa e ora ei ku ta rei, reina i prinsesa Amalia lo tabata e motibu pa e lektura i sigur nò ku nan lo tabata presente.

Den di dos siman di luna di yanüari numa a anunsiá esei meintras ku ya a selektá Sint Jago i e lo ta parti di e grupo di studiantenan di maestria ku lo ta pèrmití pa ta presente. “I e ora ei e kos a kuminsá kishikií”, e ta bisa. Promé e tabata rabiá ku rei no a ekspresá e despensa pa sklabitut pa e islanan Karibense i Sürnam, mientras el a hasi esei si pa Indonesia.

No despensa Real, pero si un bishita Real tabata pasa den su kabes i el a disidí di manda un mensahe.

Bergwensa

Hopi hende na Aruba a elogiá su kurashi, pero remarkabel ta ku Giselle a haña Brievenbus

Pa kasualidat sekretario di estado Alexandra van Huffelen tabata sintá banda di Sint Jago. “Mi konosé e sekretario di estado komo un persona ku ta pará habrí pa diálogo, sigur den diskushon tokante e pasado di sklabitut, pues lo no strañami si esaki lo haña un kontinuashon.”