KRALENDIJK – Entidat Públiko Boneiru (EPB) a ekspresá preokupashon tokante daño regular ku ta kousando na matanan den área di Kaya Grandi. Tin biaha esaki ta wòrdu kousá pa motibu di vandalismo, pero tambe dor di outomobilista ku ta insistí di stashoná nan vehíkulo kaminda no por i no ta permití. 

“E situashon aki ta krea un bista di kaya desordená i ta kousa molèster pa residente i bishitante,” segun EPB den un komuníkado di prensa.

EPB ta mustra tambe ku  mata ta importante pa e bista, pero tambe pa sombra i aire fresku, algu esensial riba un isla kayente manera Boneiru. OLB ta hasi un apelashon riba siudadano pa huntu kuida e matanan aki i prevení mas daño.