DEN HAAG- Gobièrnu di Hulanda, ta bai kuminsá ku un konsultashon via di internet, tokante kambionan di seguridat sosial na islanan BES. 

Segun un komunikado di prensa ta nesesario pa modernisá siguridat sosial na Hulanda Karibense. Ku e punto di salida aki, awe minister Carola Schouten ta presentá e proposishon  di lei pa logra esaki na e abitantenan, via di un konsulta riba internèt. Resientemente a puntra e Diálogonan Sentral i entidatnan públiko pa reakshoná riba e plannan.

Vários kambio den lei i reglamentu na Hulanda Karibense ta nesesario pa modernisá e sistema di siguridat sosial na Hulanda Karibense. Ku e kambionan den e proposishon di lei aki, entre otro ta amplia e areglo di ferlòf pa empleado, empleado independiente ku ta na estado ta risibí un benefisio durante di su ferlòf di embaraso i di maternidat meskos ku na Hulanda Oropeo. Tambe ta amplia e legislashon pa inkapasidat laboral, pa asina presta mas atenshon riba re-integrashon. Manera ya a anunsiá anteriormente, ta regla e kompensashon pa yu dòbel pa mayor ku yu ku nesesidat di kuido adishonal strukturalmente den e proposishon di lei. Otro medidanan, manera introdukshon di servisio pa desempleo, lo sigui haña forma den e periodo benidero pa introdusí nan tambe den e periodo di e gabinete aktual.

Input

Anteriormente a puntra e Diálogonan Sentral i entidatnan públiko si por manda nan komentario riba e plannan. Minister Schouten ta haña e input aki di gran importansia, meskos ku ta e kaso riba e reakshonnan ku lo risibí via di e konsulta riba internèt. Por haña e proposishon di lei i e konsulta via di internèt via: www.internetconsultatie.nl/wijzigingswetszwwettencaribischnederland. Por reakshoná te ku 22 di ougùstùs.