KRALENDIJK- Entidat Públiko Boneiru (EBP) a disidí di kita diferente mata for di roinan kantu di kaminda na Kaya Internashona, entre otro en frente di aeropuerto, pa mehorá e drenahe i pa evitá ku hopi awa ta keda para riba e kaminda.

Segun EPB, por nota últimamente hopi awa a kai, ku a keda para tambe parsialmente riba e kaminda en kestion. “Un investigashon ku a laga hasi, ta mustra ku un kantidat grandi di mata ku a krese den e roinan, ta pone ku e awa no por kore bai” segun EPB a trese dilanti.

Ta p’esei ta limpando e roinan aki, den speransa ku awa lo por kore bai mas fasil. Den mesun rosea EPB ta splike ku e trabaounan por laga lodo keda tras riba e kamida, ku por pone ku outonan por slep mas fasilmente. Gobièrnu ta hasi un apelashon riba outomobilista pa kore ku koutela den e área aki.