Kralendijk- Un grupo di inisiativa ke trese un di e sindikatonan mas grandi na Hulanda, FNV, Boneiru.

Segun e grupo di inisiativa ku ta konsistí di Edwina Molina, Rechendell Emerenciana, Erich Perigolt Monte, Eurich Paulina i Mirchonella Winklaar, tin hopi kos ku tin mester di atenshon na Boneiru, ora ta papia di merkado laboral.

“Esaki ta kuminsá ku e echo ku no tin un kódigo pa e proseso di reklutashon. Hende no sa kiko ta nan derecho i hopi hende a yega di eksperensiá esaki personalmente. Banda di esei ainda tin poko posibilidat pa traha parttime i hopi hende no ta eksperensiando un hustisia sosial den nan área di trabou”, asina Edwina Molina ta splika.

Aparte di esei, e grupo di inisiativa ta mustra riba nesesidat ku ta biba bou di penshonadonan. “E grupo aki tin e difisil i tin poko atenshon pa nan situashon”, asina Molina a bisa.

Estudio

Un estudio interno ku a hasi a petishon di un grupo di trabou Caribbean, ku a keda lantá riba inisiativa di Imelda Tjon-Fo, a mustra ku no tin niun motibu pa kiko FNV lo no por ta aktivo na e munisipionan spesial Boneiru, St. Eustatius i Saba.

Den konsepto di FNV e idea no ta pa kompetí ku sindikatonan ku tei kaba. “No, e idea ta pa yuda nan, pero tambe pa reïnforsá otro”, asina Molina a splika.

Pa medio di un akshon di firma, ke akumulá sufisiente aporte pa e inishativa nobo, pa yega na un sekshon lokal di FNV.