Notisia

Habitantenan di Hato mal fadá ku trabou relashoná ku kloaka

Ya pa lunas e kaminda a keda tur na buraku i kòrtá, sin ku ta drecha esaki bèk manera debe ser. Pòtret: ABC Online Media

KRALENDIJK- E dianan aki por nota hopi keho di parti di residentenan di e bario di Hato, spesialmente esnan ku tin ku pasa riba Kaya Gobernador Debrot i den Kaya Rotterdam. 

Ya pa lunanan largu tin trabou di kobamentu ta tumando lugá pa instalá ambos e pipa i posnan nesesario pa e sistema di kloaka. 

Hopi ta mustra tambe riba e echo ku WEB a primintí ku e trabounan lo tabata kla den luna di mei di e aña aki, pero te asina leu esaki ta leu for di ta e kaso. 

Voral den dianan di yobida fuerte aki, por nota ku e situashon ta birando insportabel. Tin kaminda habra e kaminda na varios lugá. Na lugá di drecha e kaminda bèk, e kontratista ta yena solamente santu òf greis den e burakunan. Ku yobida fuerte esaki ta spula for di den e burakunan òf ta konvertí esakinan den area ku un lodo horibel. 

Komunikashon

Aunke ku inisialmente tabata tin algu di komprenshon pa e trabounan, den último dia por skucha hopi keho ku nunka mas WEB no a komuniká tokante e trabou i ki dia ta spera ku esaki lo finalisá.

Un di e problemannan ta ku hopi outo ta pasa kore riba e banda robes di kaminda, pa evita e lodo i e burakunan. Esaki lógikamente ta trese sierto peliger kune. 

Deel dit artikel
Rocargo
Rocargo
Rocargo
Rocargo