KRALENDIJK – Djaweps 23 di sèptèmber ultimo Hospice Kas Flamboyan a organisá pa su boluntarionan un anochi di informashon tokando e tema :Kon pa dil ora di pèrdida(Rouwverwerking)
Mirando ku Hospice Kas Flamboyan tei prinsipalmente pa esnan ku ta den nan lastu fase di nan bida, boluntarionan tin direktamente di haber ku pèrdida. Loke ta di importansia tambe ta ku famianan di nos habitantenan tambe mester di e sosten nesesario.
Tin habitante na Kas Flamboyan ku tin e nesesidat pa risibi un guia pa asina nan traspaso den un otro mundu susedé mas trankil.
E anochi di informashon tabata na enkargo di Mimi Dongen ku a para ketu na algun punto manera kiko ta pèrdida I ki fase tur tin. Tambe kon kada ken lo por dil ku esaki I a buta enfasis kon Kas Flamboyan ta duna aporte na e parti tan importante aki. No solamente pa e habitante I su famia i/o konosínan, pero sigur tambe pa kada boluntario mes.
Na final di e anochi kada boluntario a risibi un sertifikado firmá pa ambos kordinadora Sami Rosalina I Mimi Dongen.
Pa medio di esaki Kas Flamboyan ta gradisí kada boluntario ku ta duna nan aporte asina balioso pa komunidat di Boneiru.
Si tin persona ku ke sera konosí of bira boluntario na Kas Flamboyan por pasa libremente na Kaya Guanare 11 na Tera Korra ku nr tel: 717-8560. Por yama tambe kordinadornan Sami Rosalina na 7774762 of Mimi Dongen na 7963512
Polis na Boneiru ta detené vários persona pa motibu di stür bou di influensia 
Boneiru ta risibí bishitantenan ku ritmo i zonido tradishonal
KPCN: koperashon ta brinda siguridat pa un i tur
Okupashon di kambernan di hotèl ta baha, preis di kamber ta subi
