Den Haag- Gobièrnu di Hulanda ta bai manda un kantidat di 700.000 bakuna pa Sürnam, asina presidente di Sürnam Chan Santhoki a raportá.

Ku e kantidat di bakuna ki, ta posibel pa bakuná tur hende riba 18 aña na e pais. E desishon di parti di gobièrno di Hulanda ta bin despues di un karta ku Santhoki a manda pa gobièrno hulandes. Despues di hopi aña di un relashon bastante friu i distante bou di presidensia di Desi Bouters i su partido NDP, e relashon ku Hulanda ta bon atrobe.

Presidente Santhoki ta has un apelashon riba e poblashon pa pasa e angua kontra di Covid-19. Mi ta hasi un apelashon riba nos pueblo: bai bakuná”, asina Santhoki a bisa.

Sosten

Banda di e sosten pa loke ta traha e lote di bakuna, ta probabel ku Hulanda lo bai duna aporte na e parti logístiko di e bakunashon di e pais. E situashon di salubridat públiko na Sürnam ta basta delikado i e aporte di Hulanda pa loke ta trata e bakuna kontra di Covid-19 ta un sosten bastante importante pa e pais.