DEN HAAG- Según sekretario di Estado, Marnix van Rij, Gabinette Rutte IV lo ta konsiderando pa kompensá habitantenan di Karibe Hulandes pa un tendensia negativo den nan forsa di kompra e aña aki. Esaki Van Rij a skibi den un karta pa parlamentu hulandes, despues di a risibí pregunta di varios parlamentario.

Van Rijk, ku su karta, ta reakshonando riba notisianan den prensa lokal tokante efektonan negativo di un bahada di e suma liber di impuesto. Ounke di un banda Van Rij a atimití ku ta berdat ku habitantenan di Bonaire, St. Eustatius i Saba lo bai paga mas impuesto na aña 2022, e ta indiká tambe ku gabinete no ta konsiderá esaki un tendensia desabel. 

Ta pesei, según Van Rij, ta studiando kon pa kompensá habitantenan, aunke sea den promé instante di un forma temporal. 

Faktor

Segun Van Rij  a splika, ta diferente faktor a bin huntu ku ta afektando forsa di compra riba e islanan di un forma negativo. E ta mustra entre otro riba un inflashon negativo den aña 2020, ku awor numa a keda prosesá den e diferente tabèl di impuesto. E bahada di inflashon tabata tin di haber entre otro ku supsidio di preis di koriente, awa in internet, asina Van Rij a skibi parlamentu.

Kombersá

Van Rij ta indiká tambe den su karta fechá 9 di febrüari ku e ta bai kòmbersá ku gobièrnu di e tres islanan, pa yega na sierto palabrashon konkret. 

Specialmente Boneiru i Saba a protestá tambe, pa medio di un karta, kontra di e tendensia negativo aki, ku sierto di nan a deskribí komo ‘duna ku un man i kita ku otro’.