WILLEMSTAD – Kòrsou mester redusí gastunan di overtaim serka polis di djesocho pa djesdos mion florin. Un propisishon di minister di Hustisia Shalton Hato mester hasi e seis mion bin liber. Sindikatonan di polis ta bai studia e proposishon.

Punto di salida di e sindikatonan ta ku redukshon no mester bai a kosto di siguridat di e personal di polis i konsekuentemente di e komunidat.

Nan ta bai papia awor interno riba esaki. Despues e proposishon ta bai Centraal Georganiseerd Overleg den kasonan di ámtenar. Konseho di Minister tambe mester studi’é.

Mayoria biaha overtaim ta nesesario pasobra tin un eskases di personal, pero e ta generá tambe un entrada supstansial pa e agentenan banda di nan salario. Pa e motibu ei e asuntu di overtaim aki ta un kaso delikado.