KRALENDIJK- Un komunikado di prensa ku, na manera ta parse, a wòrdu lansá di un manera prematuro tokante e konstrukshon di Brion Plein riba tereno di e anterior prison na Playa a generá hopi komentario, tanto online komo entre habitantenan di e isla den e último dos dianan aki. 

Hopi habitante a reakshoná ku sorpresa i tin biaha tambe indignashon tokante e notisia di konstrukshon otro plasa ku espasio ku áreanan di rekreashon i áreanan bèrdè. Te asina leu, kolegio ehekutivo a papia solamene di konstrukshon di un área di parker, pero no un plenchi, parke òf loke sea. Konstrukshon di un área pa stashoná outo, lo moester a aliviá un falta agudo di espasio di parkeer den sentro di e siudat.

Djabièrnè por a nota vershonnan nobo di e notisia, indikando ku solamente un parti di e tereno lo wordu uzá komo plenchi, pero ku di tur manera semper lo konstruí 96 luga di parker. Ounke un grupo chikito a reakshoná positivamente riba e notisia di mas área di rekreo, hopi siudadano a mustra riba e falta kompleto pa lugá pa stashoná outo den sentro di suidtat. ‘Lo mi ke bishitá e sentro di Playa hopi mas frekuente, pa hasi kompra pero ta imposibel pa haña un lugá pa pone mi out’ un lesadó a komentá riba komunikashon di Entidat Públiko. Hopi hende a remarká di ta di akuerdo ku e komentario. 

Kasualidat?

Parse ku e momento di e komunikado no tabata un kasualidat, pasobra esaki a okurí un dia despues ku e konseho ehekutivo aktual a wòrdu mandá kas pa medio di un moshon di deskonfiansa. MPB i UPB a pone hopi énfasis riba mehorashon di infrastruktura i fasilidatnan. 

Ta parse ku kolegio ehekutivo kier a presentá e plan pa e parke, ku su área di parker tambe, promé ku e konseho ehekutivo nobo sinta. Lástimamente, esaki a resultá tambe den komunikado ku tabata parse no kompletu, òf no kla pa publiká esaki.