Kralendijk, The Bottom, Saba, Oranjestad, St. Eustatius – Raad onderwijs Arbeidsmarkt Caribisch Nederland (ROA CN) a nombra Instituto Hudisial Hulanda Karibense (JICN) komo un ‘Leerbedrijf’ rekonosé. Pa motibu di e rekonosementu aki  ROA CN a entregá gerensia di JICN e sertifikado ku ta pertenesé na e rekonosementu aki. Ofisialmente ROA CN a rekonosé e instituto 2 aña pasá, pero tambe debí na e situashon rondó di corona virùs  no tabata posibel pa hasi entrega mas promé.

JICN for di e momento di rekonosementu komo  ‘Leerbedrijf’ ta sòru pa estudionan (MBO) pa detenido, den koperashon ku Fundashon Forma. Komo ‘Leerbedrijf’ rekonosé e instituto ta outorisá pa fasilitá un stazje – awendia konosé komo formashon profeshonal práktiko – pa studiante eksterno pero tambe pa detenido.  JICN mes tin mas ‘leermeerster’ den servisio, ku ta di train i outorisá pa guia detenido i studiante durante nan formashon profeshonal práktiko.

E posibilidat pa sigui un estudio pa detenido ta un parti importante den e proseso di re-integrashon. Dor di konektá edukashon den detenshon ku edukashon pafó di detenshon, detenidonan por traha dirigí na haña un diploma – i ku esaki na su futuro.

---

Lesa tambe:

• 
  Sindikalismo na Boneiru parti 47, 25 di novèmber 2024
• 
  Curoil ta hasi su mes kulpabel na komportamentu sin rèspèt, pero gobièrnu ta tolerá esei 
• 
  Gobièrnu di Boneiru ta urgi solushon pa suma di impuesto liber i salario mínimo
• 
  M21 ku krítika duru riba Curoil pa problema ku depósito pa bòter di gas 
• 
  Atrobe atrako armá na Boneiru: E biaha aki riba supermerkado