Kralendijk – E interupshon di koriente di djárason 28 di yüli a okashoná un interupshon na planta di awa di kloaka na Lagun. Dor di esaki no tabata posibel pa pòmp manda awa na e planta na Lagun for di e buster station na Kaya Neerlandia.

Dor di operá e stashon manual te na momentu ku koriente a bini bèk, e molèster a keda minimalisá. WEB ta gradisí tur abitantenan ku a eksperensia e molèster i tin apresio pa nan komprenshon.

E planta di awa di kloaka i tambe stashon di buster den e liña di kloaka di Kralendijk tin un “back-up” pa den kaso di interupshon di koriente. Dia di e “Black-out” 28 di yüli a start e “back-up” di planta di awa di kloaka i tambe esun di e stashon di buster segun prosedura. Lástimamente a surgi un problema tékniko na e “back-up” di planta, poniendo ku e konekshon digital entre e stashon di buster na Kaya Neerlandia i e planta di tratamentu di awa di kloaka no tabata funshoná.

Manera ku téknikonan di e planta di Kloaka a identifiká e problema, a manda un mekániko na e stashon di buster na Kaya Neerlandia. E stashon a ser operá manualmente te na momentu ku tabata tin koriente bèk, i ku por a restablesé e komunikashon.

---

Lesa tambe:

• 
  Partnernan di CAO pa Islanan BES a topa pa deliberá riba desaroyo 
• 
  Prevení Zika, Dengue i Chikungunya
• 
  Organisashonnan Karibe Hulandes ta traha huntu pa preveni violensia kontra hende muhé
• 
  Sindikalismo na Boneiru parti 47, 25 di novèmber 2024
• 
  Curoil ta hasi su mes kulpabel na komportamentu sin rèspèt, pero gobièrnu ta tolerá esei