WILLEMSTAD – Konseho di Minister di Kòrsou a aprobá  konsepto di e dekreto nashonal ku ta regulá un kambio di e reglamentu di òrdu di Parlamento. Esaki ta habri kaminda formalmente pa pèrmití interupshon durante reunionnan i turno di pregunta. 

Pa loke ta trata e último punto ei por hasi ministernan pregunta verbal den parlamento kada dos siman. Parlamento a bai di akuerdo ku e kambio di reglamentu di òrdu fin di aña pasá.

Te ku awor miembronan di parlamento por tene monólogonan sin ku ta pèrmití diskushon. Konsekuensia di esaki ta ku ta keda sin duna kontesta riba preguntanan òf ta kontestá eskivá. 

Miembronan di Parlamento mester informá e griffier via un sistema di remote, ku bo por mira riba un pantaya grandi. E presidente di Parlamento ta konsedé un interupshon.

E promé turno di pregunta ta riba 23 di febrüari próksimo.