KRALENDIJK/ORANJESTAD/THE BOTTOM – E konsehonan insular di Boneiru, Sint Eustatius, i Saba konhuntamente a ekspresá nan ophehsonnan fuerte pa loke ta trata e Plan di Impuesto BES 2025 ku a wòrdu proponé pa anterior gabinete Hulandes. 

Tur tres parlamentu insular ta preokupá ku e medidanan di impuesto lo tin un impakto basta negativo riba e populashon lokal, i tambe riba negoshinan lokal. E islanan ta babuká tambe pa e echo ku ta parse ku a pensa masha poko mes riba konsekuensia potensial di e medidadanan i oumento den vários impuesto, ku a keda proponé bou di direkshon di e anterior sekretario di estado, Marnix van Reij. 

“Mientras ku e ora ta proponé kambio di sistema di impuesto na Hulanda mes, esaki ta wòrdu konsiderá minisiosamement,e i ku un un debate políko ámplio den Tweede i Eerste Kamer pa loke ta trata efekto di kalke medida riba forsa di kompra, ta parse ku pa ora ta trata e islanan ta implementá medida nobo sin pia i sin kabes i sin debata manera debe ser,” tin pará den e karta ku e islanan a manda pa e Minesterio di Finansa na Den Haag.

E karta, ku ta sumamente detayá den su reakshon riba kasi tur e medidanan ku a wòrdu proponé, a wòrdu firmá pa e tres kolehio ehekutivo, i a wòrdu mandá tambe na nòmber di e respektivo konsehonan insular i e kòlegio elektoral (Kiescollege) di Boneiru.

E opheshonnan prinsipal di Bonairu, St. Eustatius i Saba ta regarda entre otro un subida di e porsentahe di impuesto riba sueldo, ku lo afektá un grupo grandi na e isla. Tambe, plannan pa oumentá e impuesto di propiedat pa hotèl i kòrta den fasilidatnan di invershon ta topa resistensia, spesialmente pasobra segun e islanan, e medidanan aki no ta tuma na konsiderashon e kondishonnan ekonómiko úniko di kada isla, i e vulnerabilidat di nan respektivo ekonomianan.

Análisis Profundo
E islanan ta insistí ku kambio den polítika fiskal mester ta basá riba anális profundo di e situashon lokal, meskos ku sa hasi na Hulanda Orepeo. “No por ta asina ku ta yega implementá medida i oumentá impuesto bastante konsiderabel, sin ku a skucha e islanan, a papia ku gremionan, i sin un análisis kon esaki lo afektá siudadanonan”, asina por lesa den e karta tambe.