WILLEMSTAD – Ta  akusá Jamir Barton, e úniko miembro di konseho di komisario (RvC) di Gaming Control Board, GCB, na Kòrsou di malversashon. Barton ta desmentí e akusashonnan i ta bisa ku su anterior koleganan di RvC a konspirá kontra di dje. Barton ta eksigí entre otro un rektifikashon riba e portada di e korant  Antilliaans Dagblad, asina Casinonieuws.nl ta informá

Anteriormente e luna aki e korant ei a skirbi di posibel malversashon na Gaming Control Board, e aktual supervisor na Kòrsou di weganan di plaka mará na pais.

Stichting Overheidsaccountantsbureau, (SOAB), a informá minister di Finansas na Kòrsou, Javier Silvania, di e supuesto iregularidatnan. E minister na su turno a konfirmá ku e malversashon  ta relashoná ku Jamir Barton. E lo a pidi konseho hudisial i a duna di konosé ku lo tuma pasonan e siman aki ainda.

E supuesto malversashon lo a kuminsá na 2021. Jamir Barton, komo miembro di RvC i e presidente di RvC e tempu ei, Zuleika Lasten, tabata RvB interino di GCB, pero e periodo máksimo ku ta pèrmití pa ta den e funshon ei a kaduká riba 8 di yüni 2021.

Banda di esei lo tabata papia di aktua i tomo di desishon en kontra di e artíkulonan statutario i e kódigo, di moda ku e integridat tabata na peliger. Segun SBTNO lo por papia di funshonamentu insufisiente. Tambe e konsehero di corporate governance ta bisa ku den e defensa di Barton ‘no a haña argumentunan adekuá kontra e base pa e retiru’.

Barton ta regresá i ta bringa bèk

No a yega na un retiru, pasobra na luna di òktober Barton por a regresá GCB. E ora ei e otro miembronan di RvC a disidí di bai, di moda ku e situashon awor ta ku Barton ta e úniko miembro di RvC di Gaming Control Board.

Den un karta di tres página na Antilliaans Dagblad e ta eksigí rektifikashon riba e portada. Si e korant no duna oido na e petishon aki, e lo bai wes pa limpia su nòmber. Antilliaans Dagblad mes a informá siman pasá di e desaroyo aki.

Barton ta kompartí tambe e Forensic Services Rapport ku Antilliaans Dagblad. A traha e dokumentu aki 5 di yanäri 2023 i algun dia despues a komparti’é ku minister Silvana.

Mientrastantu a apuntá  un direktor nobo di Gaming Control Board. A apuntá  Eduardo Antonio Vlieg, resientemente komo ‘konseho di direktiva interino’. Jamir Barton ta te ainda e úniko miembro di konseho di komisario na GCB.

Supervishon riba kasinonan onlain

Gaming Control Board t’ei pa supervishon na Korsou riba weganan di plaka mará na pais. Aktualmente no tin instansha di gobièrnu ku ta supervisá aktivamente e kasinonan onlain ku ta establesé. E empresanan komersial ku tin un pèrmit i ku ta duna suplisensia, e asina yamá titularnan di lisensia mayó, mes ta enkargá ku e supervishon.

Lo mester introdusí e lei nobo di wega di plaka di Kòrsou e di dos kuartal di e aña aki, minister Silvana a anunsiá anteriormente.