AMSTERDAM – Hulanda tin un Ka’i òrgel original for di Kòrsou awor. Djasabra último a batisá e obra maestral aki na Paul Smulders su kriadero di kabai. E komersiante di Wassenaar a selebra su 70 aña, Ellen Klaver-Asscheman di wassenaarders.nl ta skirbi.

Un ‘kaha di òrgel’, manera un òrgel su nòmber kompleto ta, ta un instrumento ku tin parti di un piano di silinder i un òrgel.

Serapio Pinedo, trahadó i tokadó di Ka’i òrgel i ku ta un personalidat legendario di Kòrsou, a hinka, promé ku el a muri, su amor pa músika di e isla den e òrgel, ku a batisá awor. Su yu muhé Migali Pinedo, direktor di ‘Museo do Kaí Orgel’, su kasá i su yunan hòmber tabata presente.

Marfensel Osepa a toka e òrgel e mèrdia ei kompañá pa un tokadó di wiri. E grupo di baile Chi ku Cha a baila riba tononan di Kòrsou

Smulders ta mantené lasonan kaluroso ku Kòrsou, e isla kaminda su esposa a krese. Despues di e boutismo lo pone e Ka’i òrgel na e kriadero di kabai di Smulders, kaminda e lo bai forma un ampliashon balioso di e kolekshon di òrgel, ku lo bai usa regularmente pa atardinan di baile òf nochinan Antiano.