Kandela den kushina di Macao restaurant ta kousa un momento di pániko

KRALENDIJK- Djabièrne den oranan trempan di anochi a bati alarma na momento ku un panchi den kushina di Macao restaurant a kue kandela.

E kandela relativamente rápido a kuminsá plama den kushin, kousando un situashon un algo tenso i peligroso. Kuerpo di bombero a yega na e sitio relativamente rápido i por a kontené e kandela, promé ku esaki a bira mas serio. 

Esaki no ta kita ku tabata tin basta huma visibel den Kaya L.D. Gerhart, ku pa algun momento a keda será pa tráfiko. Niun hende no a keda heridá pa via di e incidente.