KRALENDIJK – Segun e organisashon Comcabon e aña aki tin kaba mas ku dòbel di e kantidat di partisipante ku ta bai partisipá na e kareda di regata. Na e momento aki tin kaba mas ku 40 partisipante.

Siman pasá e organisashon a laga sa kaba ku nan ta spera riba un asistensia grandi.  

Esei ta parse di bira realidat. Aña pasá 25 persona a partisipá. Ku un dia mas pa bai pa inskribí, ta parse ku lo dòbel e kantidat di partisipante. Djaluna por inskribí ainda. Por hasi esei entre 5’or di atardi i 7’or di anochi na Karels Bar.