KRALENDIJK- Na Boneiru tin kasi 73% di e poblashon ku ta ful bakuná kontra di Covid-19. Entretantu 83% a risibí por lo ménos 1 angua.

E sifra di hende ful bakuná, i tambe esnan parsialmente bakuná no ta subiendo mashá mas. Aktualmente ta pasa angua solamente 1 biaha pa siman na kompleho deportivo Jorge Nicolaas.

Di e hóbennan algu mas ku 50% a risibí 1 angua, mientras ku kasi 43% ta kompletamente bakuná.

Chèns

For di komienso gezaghèber Edison Rijna a mustra riba e echo ku Boneiru mester ta por lo ménos 85% bakuná pa por ta seif. Ku masomenos 25% di e poblashon ku no a pasa e bakuna, e virus ta keda haña chèns pa infekta hende, loke ta mirando tambe ultimo simannan aki.