Kralendijk- E kantidat di kasonan aktivo di Covid-19 na Boneiru a yega 18 riba djasabra. Esaki despues ku 4 hende nobo a tèst positivo, i 2 otro hende a rekuperá.

Un total di 18 hende a pasa tèst djabièrnè di kual dos a resultá positivo.

E kresementu di kaso nobo na Boneiru no ta para riba su mes. Rònt mundu aktualmente ta mira ku kasonan ta subiendo atrobe, spesialmente bou di hendenan no-bakuná i hobennan. Kòrsou tambe, despues di un periodo hopi trankilo pa ku kasonan nobo di Covid, den último dianan tambe a registrá bastante kaso nobo.