KRALENDIJK – Kiwanis Kralendijk Boneiru ta anunsia ku orgullo e di tres edishon di su Fundraising Walkathon,  K-Walk. E kaminata deportivamente i plasentero lo tuma lugá djaweps 1 di sèptèmber 2024, i ta invitá tur hende, hóbennan i grandi, pa participa.

Programa i Ruta: E K-Walk ta kuminsá pa 06.30 di mainta for di Felt di Snip, kaminda tambe e kaminta lo termina. Participantenan por skohe un di e dos ruta nan:

1. Ruta di 6 km – Un kaminda bunita den naturalesa, tambe bon  pa muchanan.
2. Ruta di 10 km – Pa esnan mas entrená, inklui e subida  pa Seru Largu.

Pa partisipá ta kosta $15 pa persona, ku ta inkluí un boter pa awa, un serbete chikitu, un bril di solo. Muchanan bou di 12 aña por kana gratis. Durante kaminata lo tin post di awa i na e final tin sopi i fruta. Un gran danki na tur donashon i sponsor.

Benta di tiket: Djasabra 24 di augustus 2024 entre 10:00 i 13:00 ora, Kiwanis lo ta na Van der Tweel pa bende tikets. Tambe por kumpra tikets seka tur miembro di Kiwanis òf via e kanalnan di social media di Kiwanis Kralendijk.

Tokante Kiwanis Kralendijk Boneiru: Kiwanis ta un klup di servicio mundial ku ta dedika pa mehora e mundu, un mucha i un komunidat kafa bes. E ganashi nan di e K-Walk lo ser usa pa proyektonan lokal ku ta enfoká riba bienestar i desaroyo di muchanan na Boneiru. Kiwanis Kralendijk Boneiru ta sigi traha pa un impacto positivamente den komunidat i e Fundraising Walkathon aki ta un di e hopi manera pa rekauda fondo.

Uni bo mes ku e K-Walk riba 1 di sèptèmber i kana huntu pa e muchanan di Boneiru!

Pa mas informashon òf pa donashon:
https://kiwanisbonaire.com
fundraisingkckb@gmail.com