Kralendijk- E kompania di aviashon hulandes KLM a lansa awor KLM Holidays. Bou di e nòmber ei e kompania ku ofrese pakete di fakansi, ku ta inkluí entre otro buelo i hotèl entre otro pa islanan Aruba, Kòrsou, Boneiru i St. Maarten.

Ku e inisiativa nobo KLM no ke ta solamente un kompania di aviashon ku ta transportá hende, pero tambe ku ta fungi komo ’tour operator’. Otro kompania ku ta bendiende pakete kompleto, no ta mashá kontentu ku e desaroyo aki, pasombra ta mira ku KLM ta kuminsá kompetí ku nan.

E maneho di pakete di fakansi lo wòrdu manehá dor di e kompania AirTrade, den kual KLM a kumpra un parti for di aña pasá.