AMSTERDAM – KLM ta bula diariamente pa Kòrsou, pero na luna di yüli i ougùstùs e ta bai bula djes biaha pa siman pa Kòrsou. E buelonan èkstra ta riba djaweps, djasabra i djadumingu.

E buelonan regular ta sali tur dia kuartu pasá di tres mèrdia for di Amsterdam i ta yega Hato sinku pa shete anochi. E buelonan èkstra ta sali djes pasá di djesdos mèrdia i ta yega Kòrsou sinku pa kuater atardi.

Boneiru i Aruba

Pa Boneiru tambe tin buelo diariamente. Pero e buelo tin un stòp na Aruba, lokual ta hasi e durashon di e buelo pa Kralendijk total djesdos ora. E Airbus A330 ta sali kuartu pasá di un for di Amsterdam i ta yega aeropuerto Flamingo kuartu pasá di shete.

E buelo bèk ta dirèkt i ta dura nuebe ora i 25 minüt. Salida for di Boneiru ta 25 pasá di ocho anochi i ta yega Amsterdam su siguiente dia djes pa djesdos mainta.

E durashon di buelo pa Aruba ta djes ora. E Airbus A330 ta sali kuartu pasá di un mèrdia for di Amsterdam i ta yega aeropuerto Reina Beatrix na Aruba kuartu pasá di sinku atardi. Despues e avion ta bula via Boneiru den algu mas ku djesun ora bèk pa Amsterdam.

Sùit-Amérika 

Den Sùit-Amérika KLM ta bula pa djes destinashon, entre kua diariamente pa Sao Paulo, Buenos Aires i Panama City.

Ta sigui ámplia e Premium Comfort klas ku a introdusí aña pasá den e flota. En todo kaso e ta optenibel pa buelonan pa New York, Los Angeles, Austin, San Francisco, Toronto, Calgary, Dubai i Dar Es Salaam.