Schiphol- E aerolíneanan KLM, Tui i Transavia no ta bai sigui obligá pasaheronan pa sigui bista tapaboka biahando den avion.

Segun e aerolíneanan, ta mira mas i mas resistensia bou di pasehero pa bista tapaboka, awor ku e medidanan kontra di Corona a wòrdu abolí kasi tur kaminda. Simembargo, gobièrnu hulandes ke pa hende sigui bisti tapaboka entre otro den transporte públiko, pero tambe biahando den avion.

Agreshon

E kompanianan di aviashon ta bisa ku nan ta wòrdu konfrontá ku agreshon pa pasehero ku no ke bisti e tapaboka. For di djarason awor, e tres aerolineanan lo konsehá hende pa bisti tapaboka, pero nan lo no obligá pasahero pa bisti esaki.