KRALENDIJK- Kolehio Ehekutivo di Boneiru ainda no a publiká ningun desishon ku nan a tuma durante aña 2023 te awendia. Esaki aki a bira kla den anochi di djamars durante tratamentu di e rapòrt anual pa aña 2022. 

Líder di partido di PDB, Clark Abraham, a kritiká manera di manera fuerte e proceder di Kolegio Ehekutivo. 

“Kon Konsho Insular por hasi su trabou si bo no publiká desishonnan di Kolegio Ehekutivo? I, kon e pueblo eifó lo haña sa kiko Kolegio Ehekutivo di nos isla a desidí? Esaki ta absolutamente no manera kos mester kana. Pero, al pareser diputado Thielman no ta preokupá tokante esaki,” Abraham a bisa.

Un bishita na e wèpsait di gobièrnu, www.bonairegov.com ta konfirmá ku no a publiká ningun desishon di BC aya ainda, apesar ku e promé 6 luna di e aña a pasa.

Espasio pa mehorashon

Diputado Hennyson Thielman (MPB) a admití ku no tabata korekto ku desishonnan no a wòrdu publiká. “Mi ta admití ku esaki no ta manera ku mester i siertamente ta tin espasio pa mehorashon,” asina e gedepute a bisa.

Abraham a reakshoná  algo sarkástiko riba e remarkanan di Thielman. “Tin biaha bo ta puntra bo mes kon difisil esaki por ta. Bo tin un wèpsait i bo klik riba ‘upload’ i asina ta pone na lìñea. “E miembro di konsèhu di PDB a akusá e Kolegio Ehekutivo di un falta di transparensia. Abraham tambe a bisa ku e ta tuma promesan di mehorashon no mucho na serio.