KRALENDIJK – Kolegio Ehekutivo di Boneiru tin komo meta pa realisá un total di 1850 kas nobo na e isla den un periodo relativamente kortiku pa, pa kombatí e problema di skarsedat di bibiendo i preisnan haltu ku ta mirando den merkado aktualmente. 

BC a menshoná esaki komo reakshon riba un kartá di Asoteka, representá pa abogado Michiel Bijkerk ku ta boga pa disponibilidat di mas tereno di erfpacht kontra prijsnan aseptabel.

Segun Kolegio Ehekutivo, pa promé biaha  awor tin un vishon kla i planonan konkreto tokante kon nan lo dil ku e situashon.

“E kasnan aki lo ta pagabel i lo wòrdu realisá den barionan bon planiá. Finalmente, tur residentenan, inkluyendo hobennan, personanan mayor, i famianan Boneriano tin prospekto di bini na nan propio kas,” segun un komunikado di prensa di Entidat Públiko

Kampaña di informashon

Kolegio Ehekutivo ta anunsiá den mesun karta ku pronto lo lansa un kampaña di informashon pa komuniká e vishon i plannan ku tin komo meta kumpli ku e nesesidat di mas kas i mas pagabel na e isla.