DEN HAAG – Ministerio di Asuntunan Eksterior ta konsehá Hulandesnan pa por lo pronto no bai fakansi Peru. Resientemente a baha i detené e presidente di e pais Suramerikano i esei ta kondusí na protestanan den henter e pais.

Demonstrantenan a blòkia aeropuertonan i kamindanan. E gobernantenan nobo a deklará estado di emergensia.

E situashon na Peru ta “sumamente impredesibel”. E konseho di biahe ta bai di hel pa oraño. Asuntunan di Eksterior ta konsehá pa bai Peru solamente si ta nesesario i keda leu for di demonstrashonnan.

Peru ta un destinashon popular pa turistanan ku ta biaha ku tiki ekipahe. Nan ta bishitá den e pais entre otro e siudat di Inca bieu yamá Machu Picchu.