KRALENDIJK- Konseho insular di Boneiru ta ke akshon serio pa saka outonan bieu for di mondi i pa yega na un sistema di resiklahe di outo bieuw na Boneiru. 

Un moshon prepará pa M21 i akseptá pa Konseho Insular siman pasé ta hasi un yamada na Kolegio Ehekutivo pa traha huntu ku Ministerio di Asuntunan Ekonomiko (EZK), Infrastruktura i Medio Ambiente (I&M), i tambe Auto Recycling Hulanda (ARN) pa investigá e mihó manera pa dil ku e problema.  

E teksto introdutorio di e moshon ta nota ku inisiativanan anterior pa solushoná e problema no tabata eksitoso. “Esaki, mientras ku Boneiru Limpi meresé prioridat,” asina e moshon ta nota. 

Ku un kresementu signifikante di e poblashon den último añanan, e problema di outo abandoná i bentá tur kaminda, inkluyendo hopi biaha den naturalesa tambe a krese. Esaki ta un bista sumamente mahos. 

E moshon ta sigui nòta ku eksperensianan positivo a wòrdu lográ na Hulanda den transkurso di tempu ku resiklahe di outo ku a yega fin di nan bida operashonal. Tambe, asina e moshon ta nota, e aktividatnan ku ta sali for di e proseso di resiklahe tambe ta ofresé oportinidatnan nobo. Segun konseho insular, mester establesé un Fundashon pa Resiklamentu di OutoBonaire (ARB) pa tuma kargo di resiklamentu. Tambe ta premirá ku e konosementu nesesario pa resiklahe por wòrdu inkluí den programanan di formashon lokal. 

Públiko-privá

E moshon eksplisitamente ta tene opshon habrí pa yega nan inisiativanan públiko-privá pa yega nan e resiklahe aki. Sinembargo, Entidat Públiko Boneiru (OLB) den tur kaso lo mester mantené e supervishon i kòntròl priba hinter e proseso.