WILLEMSTAD – En preparashon pa konstrukshon di un konsulado nobo, konsulado Merikano ta organisá riba 10 di yanüari un seshon di Meet & Greet na Renaissance Wind Creek Curacao Resort den e Atrium, e espasio di reuní.

E Meet & Greet aki ta duna oportunidat pa haña sa mas di e proyekto mionario i pa kontratistanan Merikano general topa empresa- i kontratistanan lokal ku ta interesá.

Lo ofresé e proyekto na kontratistanan Merikano general kualifiká ku a skohe delantá i ku lo delegá e trabou i ku lo kumpra material serka empresanan di konstrukshon lokal.

Por spera ku ta anunsiá e konseshon definitivo na komienso di aña 2023.

Lo tin arte tambe den e konsulado ku ta produsí pa artistanan Hulandes Karibense i Merikano aktual. Lo tin invershon lokal di alrededor di 50 mion dòler i lo krea segun kalkulashon sentenares di empleo.

Pa e ampliashon tin 245 mion dòler embolbí. Ta kuminsá ku e konstrukshon na 2023 i mester ta kla na 2027. Mas ku 200 trahadó di konstrukshon di Merka i Kòrsou lo ta enkargá ku e proyekto kuater aña largu.

E edifisio nobo ta bini pabou di e edifisio eksistente riba un tereno di 6,7 meter kuadrá. Ta mantené e edifisio históriko, Roosevelt House.