Willemstad- Konsulado Merikano ta bai ekspandé, di forma basta drástiko, su konsulado na Kòrsou. E konstrukshon ku ta bai tuma lugá lo nifiká un invershon di un 245 mion dòler.

E proyekto lo empleá masomenos 200 persona durante e periodo di konstrukshon, ku lo ta un meskla di Merikano mes, pero tambe hende lokal.

E edifision aktual, e asina yamá kas Roosevelt, tambe lo forma parti di e kompleho nobo, ku lo ta bastante mas grandi ku esun aktual. Segun konsulado Merikano mes ta bisa, e kompleho lo bira unu hopi moderno, implementando vários método nobo di konstrukshon. Di otro banda, asina Konsulado Merikano ta skibi, lo respetá kultura i e ambiente lokal.