WILLEMSTAD – E eksperto den enseñansa Yu di Kòrsou Karina Escajeda ta presentá djaweps 26 di yanüari e kuríkulo tras di e promé English Immersion School, EIS, na Kòrsou.

Lo kuminsá ku esaki na luna di ougùstùs na skol St. Antonius. E inisiativa ta bini di konsulado Merikano. Durante e enkuentro na e konsulado lo splika kon  Enseñansa na e idioma Ingles por mehorá e oportunidatnan edukativo i ekonómiko pa muchanan riba e isla.

Ku finansiamentu di e konsulado Merikano Escajeda a traha dos aña virtual huntu ku interesadonan lokal, entre otro Kámara di Komersio, Direktiva di Skolnan Katóliko i Skol Internashonal di Kòrsou pa desaroyá un kuríkulo di idioma Ingles na midí pa Kòrsou.

E tin mas ku binti aña eksperensia komo dosente, dirigente, dosente di maestronan i spesialista di idioma i alfabetisashon na skolnan internashonal i na skolnan públiko i privá den Estados Unido. Den su ròl aktual komo konsehero den enseñansa e ta dirigí su mes riba enseñansa internashonal, evaluashon di programa i desaroyo di kuríkulo.

Kònsùl General Margy Bond lo akompañá Escajeda i diferente invitadonan spesial ku ta involukrá den enseñansa riba e isla.