WILLEMSTAD – E kordinadó interino di Nashonnan Uní-residente pa personanan di habla Ingles i Hulandes den Karibe  tabata di bishitá ayera na Sociaal-Economische Raad, SER na Kòrsou.

Tabata trata un bishita di kortesia di Dennis Zulu ku ta prosedente di Zambia. Durante su bishita e tabata interkambiá idea ku e sekretariado tékniko di SER riba e ròl di e kolegio di konseho pa loke ta trata e forma ku ta duna e metanan di desaroyo duradero di VN.

E asina yamá Sustainable Development Goals, SDG’s, ta un yamada mundialmente pa akshon pa pone un fin na pobresa, protehá medioambiente i e klima riba mundu i pèrkurá ku e hende por gosa tur kaminda di pas i prosperidat.

Nashonnan Uni den Karibe ta sostené ehekushon di tur djesshete meta, entre kua kalidat di Enseñansa i akshon di Klima.

Prioridat di SDG’s, ta designá pa e área di Karibe. E kòmbersashonnan ayera tabata enserá kon VN lo por duna sosten tékniko den esaki.

Kòrsou

Zulu ta na Kòrsou e dianan aki den kuadro di sera konosí ofisialmente i ta firma awe un kombenio di koperashon ku gobièrnu di Kòrsou.

Komo kordinadó interino di VN-residente Zulu ta guia e tim sup-regional di VN, ku ta residensiá na Port of Spain na Trinidad i Tobago. E ta e ámtenar mas haltu di e sistema di desaroyo di VN riba nivel di paisnan.

Den kolaborashon estrecho ku gobièrnunan nashonal Zulu ta defendé interes- i mandatonan di e sistema di VN i nan por konta riba e sosten i guia di kasi tur órganonan di VN.

E kordinadó residente ta aspirá pa trese e diferente órganonan di VN huntu pa mehorá e efisiensia i rendimentu di e aktividatnan operashonal den e paisnan di abla Ingles i Hulandes den Karibe