WILLEMSTAD – Gobièrnu di Kòsou ke introdusí impuesto pa buseo. Riba un base anual esei lo generá alrededor di nuebe mion florin na entrada.

E impuesto na Boneiru ta sirbi komo ehèmpel, kaminda ta kobra semehante impuesto kaba. Einan e yama ‘Nature fee’ i mester pagu’é promé ku bai sambuyá.

E tarifa ta kuarenta dòler pa aña, pero e habitantenan di hermana islanan no mester paga.

No ta un impuesto di buseo nobo so ta konsiderando, pero tambe un oumento di impuesto di kamber na momentu di hür. Aktualmente e ta shete porshento, pero lo mester bira nuebe porshento.