WILLEMSTAD – Den un karta minister Shalton Hato di Hustisia a pidi asistensia ku konstrukshon di un prizòn nobo. E situashon den prizòn SDKK ta preukupante i mester di atenshon urgente.

Hato ta referí na diferente rapòrt di e Komishon pa prevení tortura, CPT. Eiden ta menshoná e problemanan di e prizòn SDKK.

Den pasado a invertí den renobashon i infrastruktura di SDKK, pero sinembargo durante añanan e mésun problemanan a keda eksistí, loke ta nifiká segun Hato ku no por invertí mas den e infrastruktura aktual.

Segun minister Hato e infrastruktura di SDKK no ta kumpli mas ku e eksigensianan internashonal ku un prizòn mester tin i ta tempu pa un prizòn nobo i modèrno ku ta ekipá ku teknologianan avansá.