WILLEMSTAD – Dean Gorré ta bira e direktor tékniko di Kòrsou. E anterior entrenadó di ekipo  di Sürnam ta kuminsá inmediatamente.

Ofisialmente Gorré ta bai okupá e funshon di direktor tékniko i di desaroyo. Un ròl nobo den federashon di futbòl na Kòrsou, kaminda e anterior hungadó di Feyenoord i Ajax lo bai konsentrá riba hubentut.

Siman pasá djabièrnè federashon di futbòl di Kòrsou a presentá Remko Bicentini komo e entrenadó nobo di ekipo. E lo ta e susesor di Art Langeler, ku a bai huntu ku Hiddink.

Gorré lo bai konsentrá mésora riba e maneho tékniko, futbòl lokal i sigui desaroyá e selekshonnan hubenil nashonal di U9 te ku U23

Kòrsou a hiba kòmbersashon ku diferente kandidato den e periodo tras di lomba, pero Gorré ta esun ku a konvensé. ‘Esaki ta e imagen perfekto pa nos’, segun Ramiro Grifith, presidente di federashon di futbòl di Kòrsou FFK, a deklará na futbòl Internashonal.

‘Tin hopi talento ta kana rònt riba e isla i na Hulanda ku raisnan di Kòrsou. Hubentut tin futuro i ku un bon maneho i un bon struktura nos mester por krea un plataforma pa hungadónan hubenil pa realisá nan soño di futbòl. Ku nombramentu di Dean Gorré nos ta hasi un stap importante den e bon direkshon’.

Bicentini, èks-hungadó di NEC, a sigui Patrick Kluivert na aña 2016 komo entrenadó di ekipo na Kòrsou. Promé ku esei e tabata dos biaha segundo entrenadó di futbòl. Ku Kòrsou el a gana e Carribean Cup 2017 i postulá su mes pa Gold Cup di CONCACAF di 2017, 2019 i 2021.