WILLEMSTAD – Korte na Willemstad a plania un oudiensia preliminar riba 30 di yüni pa e kaso di asesinato di e rèpdo Boechi, tambe konosí bou di e nòmber ‘Hummer’. Riba e dia aki lo stipulá e fecha pa e tratamentu kompleto despues di e kaso. Te ku awor a detené dos sospechoso.

Riba 7 di aprel a detené e hòmber Churendi C. na Hulanda komo sospechoso prinsipal den e kaso di asesinato. Riba 26 di aprel outoridatnan na Kòrsou a hasi un di dos detenshon den e kaso aki.

Ta trata di e hòmber Chriz Z. di Seru Fortuna, nasé na 1999, ku tambe ta sospechoso den e kaso aki i ku lo ta famia di e rèpdo. A deten’é den un kas na Mexicoweg.

A tira Ruchendell ‘Boechi’ Windster mata riba 9 di dezèmber di aña pasá na Rooseveltweg. El a bini di Tilburg, tabata traha múzika na Papiamentu i tabata na Kòrsou pa aktuashon. E asesinato a tuma lugá despues di un aktuashon na Santa Maria.

Z. di 24 aña lo a lòs e balanan. Segun polis e di dos sospechoso, Churendy C., tabata e shofùr di e outo, den kua Chris Z. a hui bai.