KRO-NCRV ta sigui sinku hóben adulto ku ta kore stazje riba e isla di Kòrsou pa un programa nobo ku tin e nòmber Stagiairs. E seri ku ta konsistí di seis parti ta mustra e aventura di e Hulandesnan Demi, Chaima, Bart, Ralph i Viktoria na e otro parti di mundu.

E sinku hóbennan den e programa ta siguiendo diferente stazje. Demi di 19 aña por ehèmpel ta kore stazje na marine. “Mi ta fèrwagt ku e tempu benidero lo bai bira un periodo dushi, edukativo, pero tambe un periodo drùk. Mi ta spera ku e stazje aki ta hasimi mas independiente, ta lagami sera amistat i bai ku tur mi eksperensianan bèk Hulanda”, e ta bisa.

Kore stazje den eksterior ta trese retonan personal tambe kuné pa e stazjèrnan. Chaima (20 aña) ta selebrá ‘Suikerfeest’ pa promé biaha sin su famia. Bart (19 aña) ta deskubrí e komunidat di lhbti riba e isla.

For di djaweps 14 di sèptèmber por mira Stagiairs riba NPO 3. Banda di e sinku hóbennan den e programa ta sigui un di seis stazjèr, Romie, pa un seshon ònlain. Por mira su aventura for di 14 di sèptèmber riba e kanal di YouTube di NPO 3.