Kralendijk- Atrobe tin 4 kaso nobo di Covid-19 na Boneiru. Esaki ta pone ku na tur tin 14 kaso aktivo, ya ku ningun hende no a rekuperá riba djamars.

Na tur un total di 43 hende a bai pasa tèst di kual 4 kaso a resultá positivo. No tin niun hende den hospital pa motibu di Covid.

Ounke Gobièrnu ta bisa ku e kresementu den kaso no ta alarmante, tòg ta remarkabel ku na Boneiru tin kada bes mas kaso, mientras ku na Korsou, ku un poblashon muchu mas grandi, e kantidat di kaso ta sigui baha i mayoria dia no tin ningun infekshon nobo.