KRALENDIJK – Den kuadro di Luna di kultura i preparando pa Dia di Rincon, djasabra anochi a tuma lugá e konkursu di kanto Krioyo 2024.

Na final di e anochi, ku por sierto a hala hopi hende, Luigino Luis Moka a keda koroná komo ganadó apsuluto ku su kantika tokante e tradishonal bautismo di pupi.

Na tur, no ménos ku 18 kandidato a partisipá, kaminda Edson Frans a keda komo promé finalista, siguí pa Rayshantal Coffie i Johnny Vlijt na di tres i kuater lugá. Gefely Vlijt a terminá komo di kuater finalista.

E Kanto Krioyo 2024, un parti importante di e selebrashonnan rònt di luna di kultura na Boneiru, atrobe a mustrá e aña aki kon riku i diverso kultura di Boneiru ta.

Úniko

Ounke tabata tin hopi kalidat den e lokual e diferente partisipantenan a presentá na e públiko present i e hurado, Luigino Luis Moka ta esun ku a logra konvensé mas ku tur otro ku su interpretashon úniko di un téma tradishonal, kaminda e bautismo di pupi tabata e punto sentral.

Tur portrét: Monalisa Domacasse