KRALENDIJK- Entrante dia promé di yüni e doñonan di hotèl Bellafonte riba kaminda pa bai Belnem a disidí di nombra Luite Berkenbosch komo direktor nobo di e hotèl. 

Berkenbosch anteriormente tabata traha entre otro komo direktor di un skol di buseo, i tambe un kompani di hür outo. Segun un komunikado di prensa, Berkenbosch ta un mènedjer ku hopi eksperensia riba diferente tereno. Tambe e ta vise-presidente di Bonhata i e ta un miembro di diálogo sentral. 

E tim aktual di general manager Yordi Steenmkamer i Operations Manager Carlijn Verf ta keda traha meskos ku awor. 

Ambishon

“E doñonan tin e ambishon pa Bellafonte bira e hotèl mas luhoso di hinter e isla, ku un ambiente di un hotèl di 5 strea. Esei ta un reto ku ta atraé mi i ta un proseso ku mi ke liderá den e añanan ku ta bin aki”, asina Berkenbosch a bisa.