WILLEMSTAD – Servisio di Obranan Públiko ta trahando e siman aki riba e lusnan di tráfiko riba Bulevar Don Martina na altura di Free Zone. Ta kambia nan pa iluminashon LED.

A kuminsá ku e trabounan ayera i nan ta dura un siman. Ta traha entre 8.30 i 11.30 di mainta i entre 13.30 i 16.00 di atardi. Di e manera aki e servisio ta pensa di minimalisá e molèster pa e tráfiko.

Esaki ta nifiká ku e lusnan di tráfiko no ta trahando. Na momento ku esaki ta e kaso, reglanan di tráfiko di un krusada ta vigente i mester respetá bòrchinan di tráfiko. Bulevar Don Martina ta un kaminda ku tin preferensia, tráfiko biniendo di Freezone i Zeelandia mester duna preferensia.