KRALENDIJK- Boneiru tin un partido polítiko nobo den forma di Movementu 21, òf di forma abreviá M21. E partido nobo lo wòrdu liderá pa Daisy Coffie ku ya ta forma un frakshon independiente den Konseho Insular komo Frakshon Coffie.

Despues ku Coffie a kibra ku su partido anterior, MPB, no tabata imediatamente kla ki rumbo Coffie lo a skohe. Na promé instante Coffie a deklará ku e lo tabata mas alineá ku e koalishon aktual di MPB ku UPB, aunke den ròl di oposishon.

Gradualmente, sinembargo, Coffie a asumí un ròl kada mas krítiko i tambe independiente den Konseho Insular. Spesialmente pa loke ta trata e parti di pobresa, infrastruktura i integridat, Coffie a mustra su mes krítiko pa ku Kolegio Ehekutivo.

Prinsipio

Coffie, durante lansamentu di M21 a bisa ku e partido ku un Boneiru ekslusivo, ku mas prosperidat pa tur habitante. Banda di esei M21 i Coffie lo keda boga pa integridat i transparensia pa loke ta traha gobernashon di e isla.