KRALENDIJK – Partido polítiko M21 a skibi un karta pa Kolegio Ehekutivo, kaminda nan ta bolbe hala atenshon riba e problemátika urgente di kachónan ku ta kana lòs riba e isla. 

Den nan karta, e partido ta mustra ku tin regulashonnan eksistí reglanan eksistente relashoná ku e asuntu aki, pero no tah asiendo nada ku esaki. “E falta di akshon konrketo ta kousa  di preokupashon pa loke ta trata seguridat públiko i tambe bienestar di animal,” e partido ta bisa. 

E partido ros ta mustra tambe ku tin sierto líneanan di maneho for di 1998, ku ta indiká kiko ta obligashonnan di doñonan di kachá [a evitá ku esakinan ta keda  sin supervishon na lugánan públiko. “Insidentenan ku kachó k uta kana lòs ta sigui tuma lugá, kousando riesgo pa komunidat i pa bestia”, asina M21 ta alerta. 

E partido ta mustra tambe ku den transkurso di tempu a tende diskushonnan durante añanan entre organisashonnan di animal i autoridatnan lokal, pero ku e falta di akshon konkreto ta poniendo ku no ta progresando ku e problematika. Esfuersonan resiente pa yega na un Grupo di Trabou pa ku e asuntu, tampoko no a duna resultadonan tangibel.

Protagonistanan lokal pa bienestar di animal ta enfatisá ku un implementashon adekuá di e regulashonnan existente por kontribuí hopi na redukshon di problemnan relashoná ku kachó, inkluso kaso di mordementu i daño herdida òf morto di bestia inosente. Tambe M21 ta mustra ku lo mester konsiderá pa bin ku un Pòlisi di Bestia’ pa por aktua rápido i pa atendé ku e problema. 

Ansioso

“Miéntras e debat ta kontinuá, komunidat ta wardando ku ansia pa akshon decidí for di autoridatnan lokal pa abordá e desafionan ku kachonan kortadó ta trese riba e isla,” ta bisa M21 den nan karta, k uta urgi Kolehio Ehekutivo pa porfin kuminsá tuma pasonan konkreto.