KRALENDIJK – E regulashon rondó di hür pa término korto na Boneiru ta un tópiko ku tabatin hopi doño di kas preukupá e último aña. Den diferente bario e departamentu di mantenshon tabata hopi biaha presente. Sinembargo, despues di e konferensia di prensa na yüni tokante e regulashon aki a parse ku a bini un tiki espasio pa hürmentu pa término korto. Diputado Clark Abraham a laga Bonaire.nu sa den e konferensia di prensa semanal: “Nos ta keda apliká mantenshon estrikto. Sí nos ta wak posibilidatnan den futuro pa hür pa término korto na Boneiru.” 

Djabièrnè último Abraham a indiká ku e lei tokante hür pa término korto ta bon kla i mester kumpli estríktamente kuné. “Tin reglanan spesífiko pa diferente destinashon riba e isla. Habitantenan mester tene nan mes na e reglanan aki,” el a deklará.

Abraham a splika ku sierto bario na Boneiru ta destiná solamente pa hür pa término largu. “Si bo a kumpra un kas ku e intenshon pa hür esaki pa término korto, bo mester ta na altura di e reglanan vigente i adaptábo na esakinan,” el a bisa. “Ounke sierto hürdó tin problema pa gana nan invershon bèk pa motibu di un surplus di oferta pa hür pa tèrmino largu, e kumplimentu ku e lei ta un eksigensia.”

Pleitu di bisiña

Ku e pensamentu aki, Entidat Públiko Boneiru a kuminsá na mart ku un kampaña kaminda ta puntra habitantenan: ‘Bo tin molèster di personanan ku ta hür un kas den bo besindario? Òf bo ta pensa ku ta hür un kas ilegal? Raportá!’.

“Raportá molèster? Si, esei ta asina den kada estado di derechi”, segun Abraham. E diputado a bisa ku ta trata di menshon di molèster i maluzo seriamente, pero a enfatisá mésora riba e importansia di un mantenshon husto i balansá. Abraham ta hopi kla tokante eventual pleitunan di bisiña ku di e manera aki nan ta atribuí na Entidat Públiko di Boneiru: “Mi a tuma nota di esaki tambe. Pero lagami ta bon kla den e situashonnan aki tambe. Tin un lei. I mester kumpli ku esaki”.

Aserkamentu stratégiko di Mantenshon 

Na kuminsamentu di luna di yüli Abraham a laga sa den e konferensia di prensa: ‘Diputado Anjelica Cicilia ta trahando riba un revishon di e plan di desaroyo urbano pa wak unda lo por bini posibilidatnan aktual  pa otro destinashonnan’. Despues di e konferensia di prensa a parse ku e riendanan na e departamento di mantenshon i supervishon a bira mas flèksibel. A parse ku pa medio di e remarke aki hürdónan ku a stòp di hür, a bolbe kuminsá ku hür pa término korto. Tambe esnan ku ta mantené tabata ménos presente ku énfasis den diferente bario.

Segun Abraham mantenshon no a suak, sino ta aserká stratégikamente. “Nos ta kuminsá ku supervishon i ta atvertí promé ku nos tuma medidanan mas severo,” el a deklará. “Esaki ta yuda prevení ku ta molostiá turistanan inhustamente, ya ku hopi biaha nan no ta na altura di e leinan lokal.”

Futuro espektativanan 

Abraham ta optimista tokante e posibilidatnan pa kambionan di maneho riba término largu. “Nos ke investigá kon nos por hasi hür rekreativo posibel den sierto barionan,” el a bisa. Esaki lo por kontribuí na haña un balanse entre e demanda pa hür pa término korto i e kalidat di bida den e barionan residensial.”