Kralendijk – Den e siman tras di lomba, Koninklijke Marechaussee a detené un hòmber Kolombiano pa falsedat por eskrito na Aeropuerto Internashonal Flamingo. E hòmber a mèldu su mes pa kòntròl di pasport pa salida pa Kòrsou. Den su pasport tabata falta un prueba kual ta registrá su atmishon temporal pa Boneiru. Komo ku el a keda mas largu ku tabata permití el a kita esaki pa prevení un posibel but. Despues di kombersashon ku Ministerio Públiko BES a dun’é un but di $500. Banda di esei lo pone den e área pa warda estranhero en espera di su ekstradishon. Marechausse ta entregá un petishon na e unidat di IND di RCN pa registrá e hòmber komo estranhero no deseá pa Hulanda Karibense.

Anteriormente a para un dama ku a resaltá dor di su komportashon di manehá, pa kòntròl durante di vigilansia rondó di Aeropuerto Internashonal Flamingo. For di e kòntròl a resultá ku e dama tabatin mas ku kuater biaha e kantidat permití di alkohòl den su sanger. A deten’é pa esaki i a kita su reibeweis. Entretantu Ministerio Públiko BES a dun’é un prohibishon pa manehá di dos luna. Banda di esaki e mester responsabilisá su mes dilanti di hues pa un sentensia final.

Na aeropuerto F.D. Roosevelt na Sint Eustatius, kaminda Marechaussee banda di e tareanan di polis di frontera na aeropuerto i den haf, tambe ta sostené KPCN, a kontrolá un dama ku tabatin mas di $5000 na plaka di papel huntu kuné. Komo ku e no por a responsabilisá kon el a yega na e sèn i tabata sospechá ku posiblemente e ta prosedente di kriminalidat, reshèrshi a inisiá un investigashon mas aleu.

---

Lesa tambe:

• 
  Fundashon Across The Isles ta bai kordiná  aktividat rondo di  historia di sklabitut na Boneiru
• 
  Tayer skibi buki pa mucha tokante herensia kultural, tabata un gran éksito
• 
  Fondo Nasional di Restorashon ta duna un fiansa pa restorashon di The Old Gin House na Sint-Eustatius
• 
  Kampaña nobo ‘You’ve got the power’ a ranka sali na Boneiru
• 
  Thuersten Winklaar ta bringa pa e título di Kampion Hulandes na Den Haag